創業初期心得

karychan

早一兩年，因為肺炎，好多行業都停擺，作為唔係讀專業科嘅大學畢業生，就決定試吓創業。
平時就返吓part time，剩停嘅時間就籌備吓自己嘅business。
雖然話創業辛苦，但係我都發覺呢個年代創業都唔係一件難事。
首先有網絡嘅幫手，例如social media，基本上可以話係0金錢成本都起到家，只係由design到marketing等等都要自己搞掂。同埋social media 上面都可以靠朋友幫手宣傳吓，相對上易啲俾人識。
另外，想擴大自己嘅business就唔少得錢，而而家社會上都有好多唔同嘅support俾start up，例如有唔同共享空間可以俾大家租嚟做嘢，唔使用好多錢去租一間office。同時都有唔少公司eg Choco Up 會可以俾funds start up。
最後，而家有好多唔同嘅freelancer網，有啲咩自己做唔到，例如整網站唔識coding都可以搵freelance幫手，所以唔一定要喺初期就請一大班團隊。
雖然全部嘢一腳踢都好忙，而且初期難啲賺錢，但係都幾好玩，係好珍貴嘅經驗！